Scratch Tutorial 3 - Turn Around Cat

ဒီတစ်ခါတော့ အရှေ့၊ အနောက်၊ တောင် နဲ့ မြောက်ကို လှည့်ပတ်သွားနေတဲ့ ကြောင်လေးတစ်ကောင်ကို ဖန်တီးရအောင်ပါ။

File ထဲကနေ New ကို ခေါ်ပြီး Project အသစ်တစ်ခုအရင်ယူပါ။ ပြီးရင်တော့ အောက်ကပုံမှာ ပြထားတဲ့အတိုင်း Events ထဲက when O click ကို ယူပါမယ်။

အလုပ်တစ်ခုကို ထပ်ခါတစ်လဲလုပ်စေချင်တဲ့အခါမျိုးမှာ ဆိုရင်တော့ control တနည်းအားဖြင့် looping သဘောတရားပါဝင်တဲ့ block တွေကို အသုံးပြုရပါတယ်။ အခု အရပ်လေးမျက်နှာကို ရွေ့စေဖို့ လမ်းလျှောက်တယ်ဆိုတဲ့ လုပ်ဆောင်ချက်ကို ၄ ကြိမ်လုပ်စေချင်တာဖြစ်တဲ့အတွက် Control ထဲက repeat 10 ကို ယူပြီး ချိတ်ဆက်ထားပါတယ်။ ပြီးတော့ 10 အစား 4 လို့ပြောင်းရေးလိုက်ပါတယ်။

လမ်းလျှောက်စေဖို့အတွက် Motion ထဲက move 10 steps ကိုယူပြီးချိတ်ဆက်လိုက်ပါတယ်။ ပိုပြီးသိသာထင်ရှားစေဖို့အတွက် ခြေလှမ်းကို  10 steps ကနေ 30 steps လို့ပြောင်းလိုက်ပါတယ်။

တစ်ခါ လမ်းလျှောက်ပြီးတိုင်း/ရွေ့လျှားပြီးတိုင်း အရပ်မျက်နှာတစ်ခုကိုလှည့်ဖို့အတွက် Motion ထဲကနေ turn 15 degrees ကို ယူပြီးချိတ်ဆက်လိုက်ပါတယ်။ ပြီးတော့ 90 degrees လို့ပြောင်းလိုက်ပါတယ်။

ပုံမှာ မြင်တွေ့ရတဲ့အတိုင်းပါဘဲ။ ပထမပုံမှာကတော့ မူလအနေအထားဖြစ်ပါတယ်။ ဒုတိယပုံကတော့ Green Flag O ကို တစ်ကြိမ်နှိပ်ထားတဲ့ပုံ ဖြစ်ပါတယ်။ အရှေ့ကို 30 steps စာသွားပြီး အောက်ဘက်ကို ၉၀ ဒီဂရီစောင်းချလိုက်တာဖြစ်ပါတယ်။ နောက်ထပ်တစ်ကြိမ် O ကို နှိပ်လိုက်ရင်တော့ အရှေ့ကို 30 steps စာသွားပြီး ဘေးဘက်ကို ၉၀ ဒီဂရီစောင်းချလိုက်တာဖြစ်ပါတယ်။ နောက်ဆုံးအနေနဲ့ O ကို နှိပ်လိုက်ရင်တော့ အရှေ့ကို 30 steps စာသွားပြီး အပေါ်ဘက်ကို ၉၀ ဒီဂရီတက်သွားမှာဖြစ်ပါတယ်။

                  

                   

With Love,

Dr.Saw